क्रान्ति केन्द्र सम्वाददाता
राजविराज । सप्तरीका प्रमुख जिल्ला अधिकारी किरण थापाले जिल्ला प्रशासन कार्यालय, सप्तरीमा सबैसँग समान व्यवहार र सबैको समान पहुँच हुने बताएका छन् ।
गत साता सप्तरी आएका उनले शुक्रबार जिल्लाका पत्रकारहरुसँग भेटघाट गर्दै यहाँका समस्याहरुको बारेमा छलफल गरेका छन् ।
भेटघाटमा संचारकर्मीहरुले जिल्ला प्रशासन कार्यालय, स्थानीय सरकारी कार्यालयहरु, अस्पताल, बजार लगायतकोमा देखिएको समस्याहरुको बारे सिडिओलाई अवगत गराएका थिए ।
त्यसपछि सिडिओ थापाले भने, ‘यस कार्यलयमा पनि कर्माचारीहरुलाई १५ मिनेट अगावै आउन भनेको छुँ, यहाँ समान व्यवहार र पहुँच हुन्छ ।’
उनले जिल्लाका अन्य कार्यालयहरुमा पनि कर्माचारीहरु समयमा नआउने गरेको गुनासो आएको हुँदा कार्यालयहरुमा अनुगमन गरिने बताएका छन् ।
