क्रान्ति केन्द्र सम्वाददाता
राजबिराज । सप्तरीको राजविराज स्थित राजबिराज-हनुमाननगर सडक खण्ड अन्तर्गतको भलुवाही नदिको पुलमुनी एक नवजात शिशुको शव फेला परेको छ ।
बुधबार बिहान स्थानीयले भलुवाही पुलमुनी नवजात शिशुको शव हेरेपछि प्रहरीलाई खबर गरेको थियो ।
जिल्ला प्रहरी कार्यालय राजबिराजको टोली घटना स्थल पुगेर शवलाई पोस्टमार्टमका लागि गजेन्द्र नारायण सिंह अस्पताल ल्याइएको जिल्ला प्रहरी कार्यालय सप्तरीले जानकारी दिए ।
घटनाबारे थप अनुसन्धान सुरु गरिएको जिल्ला प्रहरी कार्यालय सप्तरीका प्रमुख एसपी नरेन्द्र कुमार कार्कीले जनाएका छन् ।
