क्रान्ति केन्द्र सम्वाददाता
राजविराज । नेपाल शिक्षक महासंघ विद्यालय शिक्षा ऐन विरुद्ध आन्दोलित बनेका छन् ।
विद्यालय शिक्षा ऐन २०८० का केही व्यवस्थाप्रति असन्तुष्टि जनाउँदै नेपाल शिक्षक महासंघले आन्दोलन कार्यक्रम अन्तर्गत आइतबार शिक्षक शिक्षाकाहरुले पालिका कार्यालय अगाडि धर्ना बसेका थिए ।
विद्यालय शिक्षा ऐन २०८०को मस्यौदामा रहेको केही दफाहरु शिक्षकको पेशागत सुरक्षा र स्वाभिमानको खिलाफ रहेको उनीहरुको ठहर छ ।
सोही आन्दोलन कार्यक्रम अन्तर्गत आज पालिका कार्यालया बिहान ११ बजे देखि २ बजेसम्म २ घण्टा धर्ना कार्यक्रम, ३१ बुँदे र ५१ बुँदे सहमतिका फोटोकपी नेपाल शिक्षक महासंघ राष्ट्रिय समितिले पठाएको जानकारी पालिकामा बुझाउने कार्यक्रम रहेको थियो ।
