क्रान्ति केन्द्र सम्वाददाता
राजविराज । राजविराज नगरपालिका कार्यालयको ठ्याक्कै सामने रहेको श्री रमेश ना.दास आदर्श आधारभुत विद्या मन्दिर विद्यालयबाट एलईडी टिभी चोरी भएको छ ।
आइतबार बर्षे बिदा पछि विद्यालय खुलेपछि बालबालिकाहरूको लागि जडान गरिएको ३२ इन्चको एलईडी टिभी चोरी भएको कुरा बाहिरिएको हो ।
ढोकाको चुकुल तोडेर एलईडी चोरी गरेको विद्यालयका प्राधानाध्यापक बिभा झाले जानकारी दिएकी छिन् ।
राष्ट्रपति शैक्षिक सुधार कार्यक्रम अन्तर्गत उक्त एलईडी बालबालिकाको सिकाईको स्तरवृद्धि सँगै प्रविधि मैत्रीवाट शिक्षण सिकाईको लागि बालविकास केन्द्रमा जडान गरिएको थियो ।
यता एलईडी टिभी चोरी गर्ने ब्यक्तीको खोजतलास भइरहेको जिल्ला प्रहरी कार्यालयले जनाएको छ ।
