क्रान्ति केन्द्र सम्वाददाता
राजविराज नगरपालिकाले कंचनपुर सडकको अतिक्रमण हटाउन ७ दिनको समय सिमा निर्धारण गरेको छ ।
कंचनपुर रोड अन्तर्गत राजविराज नगरपालिका वडा नम्बर ८को हनुमानन मन्दिरदेखि वडा नम्बर १ पम्प नहरसम्मको अतिक्रमित जग्गा खाली गर्न ७ दिनको सूचना जारी गरिएको छ ।
वडा नम्बर ८ का अध्यक्ष जयनारायण मण्डल र वडा नम्बर १ का अध्यक्ष चन्द्रशेखर चौधरीले शुक्रबार छुट्टाछुट्टै सूचना जारी गर्दै अतिक्रमित जग्गा खाली गर्न भनेको छ ।
वडा नम्बर ८ का अध्यक्ष मण्डलले जारी गरेको सूचनामा हनुमाननगर मन्दिरदेखि पम्प नहरसम्म उत्तरतर्फ वडा नम्बर ८ मा पर्ने हुलाकी राजमार्गको १५ मिटर चौडाई सडक क्षेत्रभित्र अतिक्रमण गरी बनाइएको घर, टहरा लगायत अन्य कुनै किसिमले ओगटेको क्षेत्र खाली गर्न भनेको छ ।
यस्तै, वडा नम्बर १ का अध्यक्ष चौधरीले जारी गरेको सूचनामा हमनुमान मन्दिरदेखि पम्प नहरसम्म उत्तर र दक्षिणतर्फ वडा नम्बर १ मा पर्ने राजमार्गको १५ मिटर चौडाई सडक क्षेत्रभित्र अतिक्रमण गरी बनाइएको संरचना खाली गर्न भनेको छ ।
