क्रान्ति केन्द्र सम्वाददाता
आन्दोलित पत्रकार महासंघ शाखा सप्तरीले अगामी संघर्षको कार्यक्रमहरु सार्वजनिक गरेका छन् ।
जिल्ला प्रशासन कार्यालय सप्तरीले क्षमायाचनासहितको उर्दी फिर्ता लिई पूर्ण प्रेस स्वतन्त्रताको वातावरण बनाउनुपर्ने र जिल्ला प्रहरी कार्यालय सप्तरीमा पत्रकार मनोहर पोखरेलमाथि आक्रमण भएको घटनामा संलग्न असईमाथि कानून बमोजिम कारबाही हुनुपर्ने मागसहित आन्दोलित महासंघ सप्तरीले शुक्रबार अगामी दिनको संघर्षका कार्यक्रम सार्वजनिक गरेको छ ।
महासंघले संघर्ष र सम्वादसँगै लगिने जनाउँदै मध्यस्थकर्ताको जिम्मेवारी कार्यसमिति सदस्य विद्यानन्द राम र कृष्णकुमार मण्डललाई दिइएको जनाएका छन् ।
कार्यक्रमको तालिका :
साउन २७ गते शनिवार : मौन जुलुस प्रदर्शन गर्ने (११ बजे)
साउन २८ गते आईतवार : मैनबत्ती जुलुस प्रदर्शन गर्ने (११ बजे)
साउन २९ गते सोमबार : सिटि जुलुस प्रदर्शन गर्ने (११ बजे),
साउन ३० गते मंगलवार : १ घण्टा प्रशासन कार्यालयमा धर्ना दिने (११–१२ बजेसम्म)
साउन ३१ गते बुधवार : २ घण्टा प्रशासन कार्यालयमा धर्ना दिने (११–१ बजेसम्म)
साउन ३२ गते बिहीवार : ३ घण्टा प्रशासन कार्यालयमा धर्ना दिने (११–२ बजेसम्म)
भदौ १ गते शुक्रवार : २४औं घण्टे रिले अनसन (प्रशासन कार्यालयमा)
