क्रान्ति केन्द्र सम्वाददाता
सप्तरीमा सोमबारदेखि भएको अविरल बर्षाले गर्दा विभिन्न स्थानमा पानी जमेको छ । सप्तरीको दक्षिणी भेगमा रहेको सकरपुरमा वर्षाको पानी घरहरुमा पसेको छ । पानीले कलहरु समेत डुबानमा परेका छन् ।
जलमग्न रहेको सकरपुरवासीको समस्या हेर्न मधेश प्रदेश सभा सदस्य सतिश कुमार सिंहले स्थलगत निरीक्षण गरेका छन् ।
उनले आफ्नो समाजिक संजालमा पोस्ट लेख्दै निरिक्षण गरेको जानकारी दिएका छन् ।
फेसबुक पोस्टमा उनले लेखेका छन्, ‘अविरल बर्षाको कारण ति.को.गा.पा.वडा न. ३ सकरपुरामा घर घर मा पानी ले डुबान छ साथै खानेपानी को कल पनि डुबेको छ जनजिवन अस्त ब्यस्त भएको छ स्थानीयको समस्या हेर्न स्थलगत निरीक्षण गरे ।’
निरिक्षण गर्दै प्रदेश सभा सदस्य सिंहसहितका व्यक्तिहरू । फोटो: समाजिक संजालतिलाठीकोइलाडी गाउँपालिका-३ सकरपुरा प्रदेश सभा तर्फ सप्तरी निर्वाचन क्षेत्र नं १(१)मा पर्दछ । सोही क्षेत्रबाट निर्वाचित प्रदेश सासंद सिंह अहिले मधेश प्रदेश सरकारको अर्थ तथा योजना समितिका अध्यक्ष पनि हुन् । उनी सो पालिका निवर्तमान अध्यक्ष समेत हुन् ।
