क्रान्ति केन्द्र सम्वाददाता
राजविराज । आर्थिक अभावले व्यक्तिलाई कतिसम्म सताउँदो रहेछ भन्ने सप्तरीको बोदेबरसाईन नगरपालिका–३ गौराका ४२ वर्षीय राजकुमार दासले जानेका छन् ।
दुवै मृगौला फेल भएपछि जिवनसँग लडिरहेका उनको परिवार उपचारको लागि अस्पतालसम्म पुग्न सक्ने खर्चको जोहो गर्न सकिरहेका छैनन् ।
मृगौलाको समस्याले गर्दा निरन्तर उनलाई डायलासिस गर्न अस्पतालसम्म पुगाउनु पर्ने हुन्छन् । अस्पतालसम्म पुग्न भाडाको लागि उनको परिवारले सहयोगको लागि याचना गरेको छ ।
उपचारको लागि सहयोग रकम राजकुमार दासको नाममा रहेको सानिमा बैंक, शाखा बोदे बरसाइनको खाता नं.१०६०११०६०००१७३९ मा जम्मा गरिदिन दास परिवारले आग्रह गरेका छन् ।
