क्रान्ति केन्द्र सम्वाददाता
सप्तरीसहित नेपाल-भारत सीमा क्षेत्रका बिभिन्न ठाउँमा भारतीय सुरक्षाकर्मीहरुले कडाइ गरेका छन् । उनीहरूले आवतजावत गर्ने व्यक्तिसँग परिचय खुल्ने कागजात माग्न थालेका छन् ।
पाकिस्तानी महिला सीमा हैदर महोत्तरीको भिठामोड नाका हुँदै भारतको उत्तरप्रदेशको नोयडा पुगेपछि सीमामा रहेका भारतीय सशस्त्र सीमा सुरक्षा बल (एसएसबी)ले नाकामा कडाइ गरेको बुझिएको छ ।
भारतीय एसएसबीले सीमा क्षेत्रमा आवतजावत गर्ने नेपालीसँग नागरिकता र भारतीयसँग आधारकार्ड खोज्न थालेका स्थानीयहरुले बताएका छन् । पहिचान खुल्ने कागजात नदेखाउँदा उनीहरुले सीमा क्षेत्रमा आवतजावत गर्न रोक लगाउने गरेको छ ।
यसअघि भारत जान कुनै प्रमाणपत्र नमाग्दा अचानक माग्न थालेपछि स्थानीयहरुलाई समस्या भएको छ ।
‘सधैं जस्तै कुनौली गइरहेको थिएँ, अचानक एसएसबीले नागरिकता माग्यो, बिना नागरिकता जान दिएन, फेरी घरबाट फर्केर नागरिकता लिएर जाँदा देखाएर गएँ,’ सप्तरीको तिलाठीका राधाकान्त झाले भने, ‘एसएसबीले पहिचान पत्र नभएकाहरुलाई फर्काइरहेको थियो ।’
कुनौलीका एक पसलेका अनुसार एसएसबीले ५/६दिनदेखि नाकामा आवतजावत गर्न पहिचान पत्र बोक्न सचेत गराइरहेको थियो ।’५/६दिनदेखि एसएसबीले पहिचान खुल्ने पत्र बोक्न भनिरहेको थियो,’ शनिबार उनले भने, ‘आजदेखि पहिचान खुल्ने पत्र नभएकाहरुलाई फर्काइरहे
को छ ।’
