स्थानीय सरकारको दु:खदायी रवैयाको एक उदाहरण सप्तरीको हनुमाननगर कंकालिनी नगरपालिकाका बनेको छ । स्थानीय सरकारले समस्याको छिटोछरितो समस्या समाधान गर्ने धारणा हुन्छ । यद्यपी यहाँ नेतृत्वले गरेको सुस्त गतिको कामले स्थानीय सरकारको वेवास्ताको हद दर्शाउँछ ।
विद्यालय कर्मचारी र बालविकासका शिक्षकका पालिकाले तलब रोकिदिँदा उनीहरू पटकपटक पालिकामा गएर गुनासो गरे । यद्यपी नेतृत्वले उनीहरूलाई केही जवाफ फर्काएन् । उनीहरूले ज्ञापन पत्र बुझाएर आन्दोलन गर्ने चेतावनी समेत दिँदा पालिकाको केही गतिविधि देखिएन् । पीडित आन्दोलनमै उत्रेपछि दोस्रो दिन बल्ल पालिकाले आफ्नो जवाफ फर्काए ।
जवाफमा उनीहरूले आफ्नै असक्षमता देखाए । उनीहरूले गत वर्ष वालविकास शिक्षक र विद्यालय कर्मचारीको तलबको लागि बजेट विनियोजन गरेपनि रकम अपुग भएको बताए । र उनीहरूले नगरसभा गर्न नसक्दा यति समस्या भएको बताए ।
नगरसभा नहुँदा समस्या भएको स्विकार गरिरहँदा पनि उनीहरुमा हुनुपर्ने लाज देखिएन् । जनताको सेवा गर्न बसेको प्रतिनिधिले जनतालाई दु:ख हुने अवस्था सृजना गर्नु वास्तवमा लाजमर्दो विषय नै हो । उनीहरूको दु:खदायी रवैयामा सुधार आओस् ।
