प्रवेश मिश्र
सप्तरीको प्रमुख जिल्ला अधिकारीसहितको टोलीले सोमबार राजविराजको औषधि पसल, ल्याव, होटल र क्लिनिक अनुगमन गरेका छन् । अनुगमनको क्रममा अवैध रुपमा संचालित पसलहरुलाई कारवाही गरिएको छ ।
सिडिओ भुपेन्द्र थापा, प्रहरी प्रमुख नरेन्द्र कुमार कार्की, कर कार्यालयका प्रमुख, नगरपालिकाका अधिकृत, जनस्वास्थ्य कार्यालयका प्रमुखसहितको टोलीले नेता चौकदेखि गजेन्द्र नारायण सिंह अस्पतालको गेट सम्मको पसलमा साँझ अनुगमन गरेको हो । अनुगमनको क्रममा दर्ता नरहेको मेडिकल ल्याब, क्लिनिक, तथा औषधी पसलमा ताला लगाइएको छ ।
अनुगमन क्रममा पसलहरुमा कर चुक्ता नभएको, बिलबजक सहि नभएको, व्यवसाय नै दर्ता नरहेको जस्ता समस्या देखिएको थियो । अनुगमनको क्रममा अधिकांश पसलहरु बन्द पाइएको थियो ।
