क्रान्ति केन्द्र सम्वाददाता
राजविराज । मैथिली साहित्य परिषद सप्तरीको १७ औं कार्य समितिको सपथ ग्रहण तथा पदस्थापना बुधबार एक कार्यक्रमका विच राजविराजको मैथिली भवनमा सम्पन्न भएको छ ।
असार २ गते भएको निर्वाचनमा अवधेश कुमार झाको नेतृत्वमा उक्त कार्यसमितिको उपाध्यक्षमा राजकुमार लाल दास, सचिवमा ई. संजिव नारायण यादव, उपसचिवमा ललिता कुमारी झा र कोषाध्यक्षमा शोभिता दास निर्वाचित भएका छन् । सो समितिको सदस्यहरुमा राजीव कुमार झा, पंकज कुमार झा, रमिला साह, गजेन्द्र कुमार मंडल, रवि कुमार राय र अजित कुमार झा रहेका छन् ।
उक्त कार्यक्रममा निर्वाचित कार्यसमितिलाई परिषदको निर्वाचन समितिको संयोजक श्याम सुन्दर झा र सदस्य विवेकानन्द मिश्रले प्रमाण पत्र प्रदान गरे भने निवर्तमान अध्यक्ष सतिश कुमार दत्तले नवनिर्वाचित अध्यक्ष झालाई सपथ ग्रहण गराए ।
सपथ ग्रहण गरेपश्चात नवनिर्वाचित अध्यक्ष झाले उपाध्यक्ष सहित सम्पूर्ण पदाधिकारी तथा सदस्यहरुलाई सपथ ग्रहण गराए ।
निवर्तमान अध्यक्ष सतिश कुमार दत्तको अध्यक्षता तथा पूर्व अध्यक्ष विष्णु मण्डलको प्रमुख आतिथ्यतामा सम्पन्न उक्त कार्यक्रममा पूर्व अध्यक्षहरु देवेन्द्र मिश्र, विवेकानन्द मिश्र, शुभचन्द्र झा, बिष्णु मंडल लगायतका व्यक्तिहरुको उपस्थिति रह्यो ।
