क्रान्ति केन्द्र सम्वाददाता
सप्तरी तिलाठी कोइलाडी गाउँपालिका-१स्थित बेल्ही भन्सार चौकबाट ५ किलो गाँजा प्रहरीले नियन्त्रणमा लिएको छ ।
मोटरसाइकलमा लोड गरि नेपालबाट भारत तर्फ लाँदै गरेको उक्त गाँजा शनिबार प्रहरीले बरामद गरेको हो । तिलाठी चौकीबाट प्रहरी नायव निरीक्षकको कमाण्डमा र सशस्त्र प्रहरी बलको प्रहरी हवल्दारको कमाण्डमा खटेको संयुक्त चेकिङ्ग टोलीले गाँजा फेला पारेको मधेश प्रदेश प्रहरी कार्यालयले जनाएको छ ।
प्रहरीलाई हेर्नसाथ मानिस मोटरसाइकल छाडी फरार भएको प्रहरीले जनाएको छ । मोटरसाइकल र उक्त गाँजा सशस्त्र प्रहरी बलको कार्यालय (बिओपी) तिलाठीमा राखिएको प्रहरीले जनाएको छ ।
