क्रान्ति केन्द्र सम्वाददाता
सप्तरीबाट पछिल्लो ८ दिनमा लागुऔषधसहित पाँच जनालाई प्रहरीले नियन्त्रणमा लिएको छ । गत शनिबारदेखि आजसम्ममा लागुऔषधसहित पाँच जनालाई ईलाका प्रहरी कार्यालय कंचनपुरबाट खटेको प्रहरी टोलीले चेकजाँच गर्ने क्रममा नियन्त्रणमा लिएको हो । पक्राउ पर्नेमा एक भारतीय महिला, एक भारतीय पुरुष तथा तीन जना नेपाली रहेका छन् ।
कहाँबाट को-को पक्राउ परे ?
आज बिहान कञ्चनरुप नगरपालिका-२ बरमझीया चोकबाट अवैध लागूऔषध ब्राउनसुगर २ मिलिग्रामसहित भारत बिहार राज्य मोतिहारी थाना रक्सौल ग्रामपंचायत पनसोखा-५ धुपवर टोल बस्ने ४२ वर्षीया लालमती देवी रामलाई पक्राउ गरेको छ ।
त्यस्तै बिहिबार सप्तकोशी नगरपालिका- ११ भगनी मलेठस्थित त्रियुगा पुलबाट सोही पालिका वडा नं ७का २४ बर्षीय सुमन कुमार चौधरीलाई १०५ एम्पुल ईन्जेक्सनसहित प्रहरीले पक्राउ गरेका छन् भने सोमबार साँझ कञ्चनरुप नगरपालिका-७ बलुवा टोलबाट स्थानीय ४० वर्षीय उमेश साहलाई १६ किलो ९ सय ३० ग्राम गाँजा सहित प्रहरीले पक्राउ गरे ।
त्यस्तै गत शनिबार दिउँसो जिल्लाको हनुमाननगर कंकालिनी नगरपालिका-१भारदह चोकबाट लागूऔषधसहित दुई जनालाई प्रहरीले पक्राउ गरे । ब्राउन सुगरजस्तो देखिने पदार्थ करिब ४ ग्राम १९ मिलीग्रामसहित भारत घर भएका २९ वर्षीय सन्तोष कुमार साह र सिरहाको सिरहा नगरपालिका-१७ ईनरवा टोल वस्ने १९ वर्षीय सुरज कुमार पासवानलाई पक्राउ गरे ।
