क्रान्ति केन्द्र सम्वाददाता
सप्तरीको तिलाठी कोईलाडी गाउँपालिका-३
सकरपुरामा आर्थिक वर्ष २०८०/०८१ को योजना तर्जुमा लागि वडास्तरीय बाल भेला गरिएको छ ।
वडा नं ३को आयोजनामा शनिबार सकरपुराको एक विद्यालयमा ६० जनाको सहभागितामा कार्यक्रम सम्पन्न भएको छ ।
बालभेलामा सहभागी स्थानीय बालबालिकाहरुले खेल मैदानको व्यवस्था, बाल क्लब सहजकर्ताको व्यवस्था, शैक्षिक भ्रमण, बाल अधिकार, बालमैत्री स्थानीय शासन सम्बन्धी तालिम ,अभिभावक शिक्षक अन्तरक्रिया कार्यक्रम, बाल क्लबमा खेलकुद सामाग्री प्रदान , बाल विवाह अन्त्य गर्न तालिम , बाल क्लब व्यवस्थापन तालिम, महिनावारी सरसफाई सम्बन्धी अभिमुखिकण, लागूपदार्थ सम्बन्धी सचेतनामुलक कार्यक्रम , शुद्ध खानेपानी र साबुनपानी सहितको महिला पुरुष को लागि अलग अलग शौचलयको व्यवस्था जस्ता योजनाहरू माग गरे ।
बालभेलाबाट आएको योजना तथा कार्यक्रमलाई वडास्तरीय योजना तर्जुमा गोष्ठीमा समावेश गरिने कार्यक्रमका अध्यक्षता गरिरहेका सोही वडाका वडाअध्यक्ष रमेश कुमार मुखियाले बाचा गरे ।
उक्त कार्यक्रममा प्रमुख अतिथि तिलाठी कोइलाडी गाउँपालिकाका कार्यक्रम अधिकृत राजेश कुमार झा, सोही वडाका सचिव जगदीश यादव, वडा सदस्यहरु अमोद कुमार झा, नितु कुमारी खंग, जगदिश खंग, अतिथि स्वास्थ्य चौकी सकरपूराका प्रमुख राजकुमार मण्डल, तिलाठी कोइलाडी गाउँपालिक स्तरीय बाल क्लब सञ्जालका अध्यक्ष कल्पना कुमारी यादवको उपस्थिति रह्यो ।
कार्यक्रमको सञ्चालन तथा सहजीकरण दलान युवा कल्बको कञ्चन कुमारी यादव र त्रिवेणी कुमार यादवले गरे ।
