क्रान्ति केन्द्र सम्वाददाता
मैथिली साहित्य परिषद् सप्तरीमा अवधेश झाको प्यानल एक पदाधिकारी बाहेक सबै पदमा निर्वाचित भएका छन् । शनिबार भएको निर्वाचनमा अध्यक्षका लागि दुई जना प्रत्याशी रहेकोमा अवधेश २५८ मत प्राप्त गरेर निर्वाचित भएका छन् भने अजय झाले २०६ मत प्राप्त गरेका छन् ।
त्यस्तै अवधेशको प्यानलबाट निर्वाचित भएका उपाध्यक्षमा राजकुमार लाल दासले २४६, सचिवमा संजिब नारायण यादवले २६७, कोषाध्यक्षमा शोभिता दासले २५१, सदस्यहरूमा राजीव कुमार झाले ३१९, पंकज कुमार झाले ३१६, रमिला साहले ३१२, गजेन्द्र कुमार मंडलले ३१०, रवि कुमार रायले २९६ र अजित कुमार ठाकुरले २९४ मत ल्याएका छन् ।
अजयको प्यानलबाट एक मात्र ललिता झा २८३ मत ल्याउँदै उपसचिवमा निर्वाचित भएकी छिन् ।
शनिबार सम्पन्न निर्वाचनमा ८ सय १८ मतदाता मध्ये ४ सय ७८ जनाले मतदान गरेका थिए ।
