क्रान्ति केन्द्र सम्वाददाता
नागरिकता माग गर्दै एक युवकले आत्मदाहको प्रयास गरेका छन् । आत्मदाहको प्रयास गर्नेमा मोरङ कटहरीका निरजकुमार कामत रहेका छन् ।
सर्वोच्च अदालतले नागरिकता विधेयक कार्यान्वयनमा रोक लगाएपछि मंगलबार उनले आफ्नै शरीरमा पेट्रोल खन्याएर आत्मदाहको प्रयास गरेको जिल्ला प्रहरी परिसरका प्रवक्ता एसपी सीताराम रिजालले जानकारी दिए । पेट्रोल खन्याउँदै उनलाई प्रहरीले रोकेको एसपी रिजालले बताए । अहिले उनलाई उपचारका लागि राष्ट्रिय ट्रमा सेन्टर पठाइएको एसपी रिजालले बताए ।
उनका बाबुले २०६४ मा जन्मको आधारमा नेपाली नागरिकता लिएका थिए ।
