क्रान्ति केन्द्र सम्वाददाता
प्यूठानमा कार दुर्घटनामा परि गाडी सवार आठै जनाको मृत्यु भएको छ।
जिल्लाको स्वर्गद्वारी मन्दिरबाट फर्किँदै गरेको लु १ च ६३४५ नम्बरको कार सोमबार दिउँसो स्वर्गद्वारी नगरपालिका–४ भ्यागुतेमा उपल्लो भिङ्ग्रीमा सडकबाट तल खसेर दुर्घटना भएको हो ।
दुर्घटनामा कारमा सवार २ पुरुष, २ महिला ४ बालबालिका गरि आठ जना घाइते भएका थिए। जिल्ला प्रहरी कार्यालय प्युठानका प्रमुख (डिएसपी) सुवास खड्का अनुसार घाइते आठै जनाको मृत्यु भएको छ।
मृत्यु हुने सबै दाङको रहेको छ । तुलसीपुर उपमहानगरपालिका– १५ कोठरीकी ३५ वर्षीया सरिता शर्मा पोख्रेल, उनका छोराहरू १४ वर्षीय विशाल र ९ वर्षीय विकाश, गाडीचालक लमही नगरपालिका– ५ का ताराबहादुर कुमाल, गढवा गाउँपालिका– ५ बाँकीका ४० वर्षीय गोविन्द शाह, उनकी श्रीमती ३० वर्षीया राधा शाह, ९ वर्षीय छोरा आदित्य रहेका छन् ।
