क्रान्ति केन्द्र सम्वाददाता
राष्ट्रपति रामचन्द्र पौडेलले नागरिकता विधेयक प्रमाणीकरण गरेको खुसीमा सप्तरीको राजविराजमा दीप प्रज्वलन गरिएको छ ।
लोसपा तथा जसपाका नेताकार्यकर्ताहरुले बुधबार साँझ राजविराजस्थित गजेन्द्र चौकमा मैनबत्ती प्रज्वलन गरेका हुन् ।
मैनबत्ती प्रज्वलन कार्यक्रममा सहभागी रहेका लोसपाका नेता दिपेन्द्र चौधरीले नागरिकता विधेयक प्रमाणीकरण हुनु लामो संघर्षको ठुलो उपलब्धि रहेको बताए ।
त्यस्तै लोसपाका जिल्ला अध्यक्ष सुनिल झाले नागरिकता विधेयकले प्रदान गरेको अधिकारप्रति खुसी व्यक्त गर्दै नागरिकता विधेयक प्रमाणीकरण मधेश प्रदेशबासीको लागि ठुलो उपलब्धि रहेको बताए ।
कार्यक्रममा जसपा नेतृ तथा संघीय सांसद रञ्जु ठाकुर, राजविराज नगरपालिककी निवर्तमान उपप्रमुख साधना झा, जसपाका युवा नेता तारकेश्वर यादव, श्याम यादव, केदार यादब, रंजित यादव लगायतका व्यक्तिहरुको उपस्थिति रह्यो ।
