क्रान्ति केन्द्र सम्वाददाता
राजविराज । जसपा नेपालका अध्यक्ष उपेन्द्र यादवले बुधबार राजविराजमा उद्घाटन गरेको नर्सिङ्ग कलेज भवनमा राखिएको शिलालेख प्रति उनको छोरा अमरेन्द्र यादवले आपत्ति जनाएका छन् । उनले सामाजिक सञ्जाल (फेसबुक) मार्फत यस्तो धारणा व्यक्त गरेका छन् ।
उनले लेखेका छन् ‘नगरेको काममा जस लिने होडवाजी । जसपा अध्यक्ष ज्युको सम्पूर्ण संसदिय कोष, तत्कालिन प्रदेश सरकार अर्थ मन्त्रालयद्वारा अपुग सहयोग, राजविराजका तत्कालिन नगर प्रमुख शम्भुप्रसाद यादवको प्रत्यक्ष निगरानीमा यो सम्पन्न भएको हो । अन्य सहयोग शुभेक्षा त सबै जिल्लावासी कै छ । तर भवन निर्माणमा प्रयोग गरिएको शिलालेख उपयुक्त छैन् ।’
समुद्घाटनमा अनावरण गरिएको शिलालेखमा उपेन्द्र यादव संगै निर्माण व्यवस्थापनमा राजविराज नगरपालिकाका कार्यवाहक (का.वा.) नगर प्रमुख ईसरत परविनको समेत नाम राखिएको छ ।
