क्रान्ति केन्द्र सम्वाददाता
राजविराज । तिलाठी कोइलाडी गाउँपालिका वडा नं. २ लौनियाँमा वडा स्तरीय विपद् ब्यवस्थापन समिति गठन गरिएको छ ।
तिलाठी कोइलाडी गाउँपालिकाद्वारा सोमबार आयोजित विपद् जोखिम न्युनीकरण सम्बन्धी वडा स्तरीय अभिमुखीकरण कार्यक्रममा वडा अध्यक्ष कमल कुमार मण्डलको अध्यक्षतामा २३ सदस्यीय समिति गठन गरिएको हो ।
युनिसेफको सहयोगमा गाउँपालिकाको वन, वातावरण तथा विपद् ब्यवस्थापन शाखाद्वारा वडा स्तरीय अभिमुखीकरण कार्यक्रमको आयोजना गरिएको हो ।
वडा स्तरीय सरोकारवालाहरुको क्षमता अभिवृध्दि गरी विपद जोखिम न्यूनिकरण गर्न सहयोग पुगोस् भन्ने उद्देश्यले विपद् जोखिम न्युनीकरण सम्बन्धी एक दिने अभिमुखीकरण कार्यक्रमको आयोजना गरिएको गाउँपालिकाका कार्यक्रम अधिकृत राजेश कुमार झाले जानकारी दिए ।
तिलाठी कोइलाडी गाउँपालिका वडा नं. २ का वडा अध्यक्ष कमल कुमार मण्डलको अध्यक्षतामा आयोजित सो कार्यक्रममा रामनारायण मण्डलले मन्तब्य ब्यक्त गर्नुभयो । सो कार्यक्रममा कार्यक्रम अधिकृत राजेश कुमार झाले सहजीकरण गरे ।
