क्रान्ति केन्द्र सम्वाददाता
काठमाडौं । गणतन्त्र दिवसको अवसरमा राष्ट्रपति रामचन्द्र पौडेलले ४८२ जनाको कैद सजाय माफ गरेका छन् ।
आइतबार साँझ राष्ट्रपति कार्यालयका प्रवक्ता शैलजा रेग्मी भट्टराईले विज्ञप्ति जारी गर्दै ४८२ जनाको कैदीहरूको भुक्तान हुन बाँकी कैद सजाय माफ गरिएको जानकारी दिएकी छिन्। माफीमा टिकापुर घटनामा जन्मकैदको सजाय तोकिएको रेशम चौधरी समेत समावेश रहेका छन् ।
आइतबार मात्रै मन्त्रिरिषदको बैठकले चौधरीको सजाय माफी गर्न राष्ट्रपति पौडेलसमक्ष सिफारिस गरेको थियो।
मन्त्रिपरिषदको सिफारिसमा सोमबारदेखि लागु हुनेगरी रमेश थलङ भन्ने हेमबहादुरसमेत ४७५ र जेष्ठ नागरिक उदयनारायण गिरीसमेत ७ जना गरी कुल ४८२जनाको कैद भुक्तान हुन बाँकी सजाय माफी भएको छ ।
