क्रान्ति केन्द्र सम्वाददाता
राजविराज । सप्तरीको राजविराज-सखडा सडकखण्डमा शुक्रबार मोटरसाइकल दुर्घटनामा परेर दुई जनाको मृत्यु भएको छ । मृत्यु हुनेमा छिन्नामस्ता गाउँपालिका-३का जोगेन्द्र यादवको छोरा १८ बर्षीय श्याम कुमार यादव र सोही ठाउँका रघुवर खंगको ३० बर्षको छोरा विकास कुमार खंग रहेका छन् ।
दुर्घटनामा स्थानीय लाल बहादुर खंगको छोरा २३ बर्षको अजय कुमार खंग घाइते भएका छ्न ।
तीनैजना सवार रहेको प्र-२-०१-००२प २५६० नम्बर मोटरसाइकल आफै अनियंत्रित भई दुर्घटना हुँदा तीनै जना घाइते भएका थिए ।
उनीहरूमध्ये दुईको मृत्यु भइसकेको र अजय खंगको स्थानीय मेडिकलमा उपचार भइरहेको जिल्ला प्रहरी कार्यालय सप्तरीका प्रवक्ता डिएसपी नरेश कुमार सिंहले जानकारी दिए ।
मृतक दुबैजनाको शव परिक्षणका लागि राजविराज स्थित गजेन्द्रनारायण सिंह अस्पताल पठाएको तथा घटना बारे थप अनुसन्धान भईरहेको प्रहरीले जनाएको छ ।
