क्रान्ति केन्द्र सम्वाददाता
सप्तरीको राजविराजस्थित राजदेवी चौकमा पब्लिक प्रेस राष्ट्रिय दैनिक पत्रिकाको कार्यालय संचालन भएको छ ।
प्रेस स्वतन्त्रता सेनानी बैद्यनाथ झाको प्रमुख आतिथ्य तथा उक्त पत्रिकाको प्रकाशक नवीन यादवको अध्यक्षतामा बुधबार एक कार्यक्रम गरी कार्यालयको सुभारम्भ गरिएको हो । कार्यक्रममा प्रमुख अतिथिले कार्यालय स्थापनमा शुभकामना दिँदै सधैं निष्पक्ष, निडर पत्रकारिता गरिरहन् भने । ‘राजविराजबाट कयौं पत्रिका प्रकाशनमा आइरहँदा एक दुई पत्रिकाको मात्र आफ्नो कार्यलय रहेको छ,’ उनले भने ‘यसको पत्रकारहरुले झेल्दै आएका आर्थिक समस्या जस्ता कारणहरु छन्, यसबिच पब्लिक प्रेसले गरेको कार्यलय स्थापन निकै खुसीको कुरा हो, कार्यालय भएपछि व्यवस्थित भएर कार्य गर्न हुन्छ ।’
कार्यक्रममा बरिष्ठ पत्रकार तथा अधिकारकर्मी मनोहर पोखरेल, बरिष्ठ पत्रकार डम्बर राई, न्युज टुडे पत्रिकाका कार्यकारी सम्पादक बृजमान तामाङ, पत्रकार दिनानाथ यादव लगायतले शुभकामना मन्तव्य व्यक्त गरे । मैथिली अभियानी तथा संचारकर्मी समेत रहेका विद्यानन्द वेदर्दीले संचालन गरेको कार्यक्रममा बिभिन्न पत्रपत्रिकासँग आवद्ध व्यक्तिहरूको उपस्थिति रह्यो ।
