क्रान्ति केन्द्र सम्वाददाता
सप्तरीमा झुण्डिएर एक युवक र एक युवतीको मृत्यु भएको छ । राजविराज नगरपालीका- १ डुमरी टोल बस्ने महेश प्रसाद यादवको १८ बर्षकी छोरी बेबी भन्ने देबी कुमारी यादवको आइतबार बिहान झुण्डिएको अवस्थामा लास फेला परेको छ । आफ्नै सुत्ने कोठाको फलामको बलोमा सलको पासो लगाई झुण्डी मृत्यु भएको खबर स्थानीयले फोन मार्फत प्रहरीलाई दिएको थियो ।
प्रहरी घटनास्थलमा पुगी यसबारे अनुसन्धान गरिरहेको जिल्ला प्रहरी कार्यालय सप्तरीका प्रवक्ता डिएसपी नरेश कुमार सिंहले जानकारी दिए ।
त्यस्तै शनिबार बेलुका सप्तकोशी नगरपालिका-१ फतेपुर चोकस्थित ईन्द्रेणी होटल एण्ड लजमा पहिचान नखुलेको २५बर्षको पुरुष व्यक्तिको झुण्डिएको अवस्थामा लास फेला परेको छ । कोठा नम्बर १०४ मा भित्र बाट चुकुल लगाई बसेकोमा होटल सञ्चालक अशोक चौधरीले कोठाहरु राति १० बजे चेकजाँच गर्ने क्रममा उक्त कोठा खोल्दा नखोलेको कारण झ्यालबाट हेर्दा उनलाई सिलिङ पंखामा सलको पासो लगाई झुण्डिएर मृत अवस्थामा रहेको देखि प्रहरी चौकी फतेपुरमा जानकारी गरायो ।
घटना स्थलमा प्रहरी खटेर यसबारे अनुसन्धान थालेको जनाइएको छ ।
