क्रान्ति केन्द्र सम्वाददाता
सप्तरीको राजबिराजमा नेपालले एसीसी मेन्स प्रीमियर कपको उपाधी जितेको र एशिया कप खेल्नमा आफ्ना स्थान पक्का गरेको खुशीमा दीप प्रज्वलन गरेको छ ।
सप्तरी निर्वाचन क्षेत्र-३ का प्रतिनिधि सभा सदस्य कांग्रेसका नेता दिनेश कुमार यादवको अध्यक्षतामा मंगलबार बेलुका दिप प्रज्वलन गरिएको हो ।
‘सेप्टेम्बरमा हुने एशिया कप २०२३ मा नेपाली क्रीकेट टीमले भारत र पाकिस्तान जस्तो टीमसंग खेल्न पाउनुको साथसाथै नेपालको झण्डा त्यहाँका आकाशमा समेत फहराउन सके यो भन्दा ठुलो नेपालको लागि के हुन्न सक्छ,’ प्रतिनिधि सभा सदस्य यादवले भने ।
सो दीप प्रज्वल्न कार्यक्रममा राजबिराज नगरपालिकाका निवर्तमान नगर प्रमुख शम्भू यादब, सप्तरी क्रीकेट संघका सचिव तुला माझी, एम्पायर संघका अध्यक्ष निरज सिंह, नेपाली कांग्रेसका नेता सुशिला यादब, समीर झा लगायत दर्जनौं क्रीकेट प्रेमीहरूको सहभागिता रहेको थियो ।
