सरकारी भन्ने बित्तिकै आमजनमा सोच आउँछ, सरकारी भनेकै यस्तै त हो । फोहरी, अस्तव्यस्त, समस्याले भरेको ठाउँको रुपमा सरकारी कार्यालयहरु परिचित हुनथालेको छ ।
यो अकारण पनि भएको होइन् । सरकारी अस्पताल, कार्यालय, विद्यालय सबैको व्यवस्थापनदेखि लिएर कर्मचारीको व्यवहारले सेवाग्राहीहरुलाई सास्ती दिएको छ । कर्मचारी भन्दैमा फेरि सबै कर्मचारी त्यस्तै छन् भने पनि होइन् , तर अधिकांशको व्यवहार रुखो हुन्छ ।
सेवा लिन आएकोलाई सहजै सेवा प्रदान गर्नुपर्छ भने सोच हुनुपर्नेमा सेवाग्राहीहरुलाई रोकेर राख्ने, काम गर्नु भन्दा पनि गफमा व्यस्त रहेर कार्यालयको समय खेर फाल्ने गरेका हुन्छन् । सेवाग्राहीहरुले आवश्यक कागजातहरूको बारेमा नबुझेको खण्डमा सोध्दा पहिला त सुन्दै नसुन्ने, अनि झर्केर बोल्ने गर्छन् । सप्तरीको सरकारी कार्यालयहरुको अवस्था यो भन्दा फरक छैन् । र यो प्रवृत्ति नयाँ पनि होइन्, यो प्रवृत्ति त यति हावी भएको छ की अब त कोही सर्वसाधारणले यसमा प्रश्न उठाउँदा अर्काले ए ! सरकारीमा यस्तै हुन्छ भन्छन् ।
के साँच्चिकै सरकारी भनेको यस्तै हो ? यदि होइन् भने जिम्मेवार निकायहरुलाई सरकारी कार्यालयको गोप्य रुपले अनुगमन गरि यस्ता कार्यलाई निरुत्साहित गर्नुपर्छ । सरकारी कार्यालयको नाकारात्मक छवि फेर्नु पर्छ ।
