क्रान्ति केन्द्र सम्वाददाता
जिवन विकास लघुवित्त वित्तीय संस्थाले सप्तरीको ६ वटा अतिविपन्न परिवारलाई घर प्रदान गरेको छ ।
बैशाख ७ गते बिहिबार विकास संव्यसेवक दिवस मनाउँदै संस्थाले उक्त अवसरमा सप्तरीको रुपनी गाउँपालिका-२ गढियाकी एकल महिला मम्तु कुमारी ठाकुर, खडक नगरपालिका-७ बिसनपुरकी रजिना खातुन, वडा नं ३का किसुनलाल पासवान, सुरुङ्गा नगरपालिका-३ बस्ने एकल महिला कनी देवी राम, वडा नं १का इन्द्र बहादुर मगर, राजगढ गाउँपालिका-१का किस्नु रामको पुर्ण घर बनाएर हस्तान्तरण गरेको संस्थाको सप्तरी जिल्ला प्रमुख राकेश कुमार साहले जानकारी दिए ।
‘जिवन विकासको अवाह्वान देश विकासमा श्रमदान’ नाराका साथ विकास संव्यसेवक दिवस मनाउँदै उनीहरूले मधेश प्रदेशको आठौ जिल्लामा बिपन्न परिवारलाई घर निर्माण, श्रमदान, वृक्षारोपण तथा सरसफाई लगायतका कार्यहरु समेत गरेका छन् ।
सप्तरी जिल्लाका अन्य ९ वटा शाखा मार्फत अति बिपन्न परिवारको घर निर्माणमा कर्मचारी तथा सदस्यहरुले श्रमदान, बालबालिका अध्ययन केन्द्रको घर निर्माण, विपन्नलाई खाद्यान्न वितरण, मन्दिर सरसफाई लगायतका कार्यहरु गरेको उनले बताए ।
वैशाख ७ गतेलाई संव्यसेवक दिवसको रुपमा मनाई जिवन विकास लघुवित्त वित्तीय संस्थाले प्रत्येक वर्ष उक्त अवसरमा सामाजिक कार्य गर्दै आएको प्रमुख साहले बताए ।
