किराना पसलमा मदिरा
केही समययता ग्रामीण क्षेत्रमा मदिरा सेवन तथा बिक्रिवितरण अत्याधिकै बढेको छ । पहिला सहरी क्षेत्रमा मदिरा सेवन गर्ने एक फैशन भएपनि गाउँ घरमा त्यति मदिरा पिउने चलन थिएन् । गाउँघरमा मदिरा पसलहरु पनि हुदैन् थियो । तर अहिले गाउँघरमा मदिरा पसल गर्नु पैसा कमाउने सुलभ बाटो जस्तै बनेको छ ।
मदिराको माग बढेकोले कतिपय किराना पसलहरुमा पनि मदिरा पाउने गरेको छ । मदिरा सेवन तथा विक्री वितरण बढ्नुको शिक्षाको कमी, चेतनाको अभाव, सामाजिक वातावरण लगायतका थुप्रै कारणहरु भएपनि मदिरा पसलहरुको निगरानीमा कमी हुनु पनि एक मुख्य कारण हो । र यस कारणको अन्त्य गर्न त्यति गाह्रो छैन् होला ।
मदिरा सेवन गरेर होहल्ला गर्ने, झैंझगडा गर्ने, घरेलु हिंसा लगायतका थुप्रै नाराम्रा गतिविधि हुने गरेको छ । अत्याधिक मदिरा सेवन गरेर दुर्घटना तथा मृत्यु हुने गरेको पनि घटनाहरु बढेको छ । तर सरोकारवाला निकायले यसलाई गम्भीरता पुर्वक लिएको देखिदैन् ।
मात्र पैसा कमाउने उदेश्यले ४०/५० रुपैयाँ पर्ने सस्तो खाले मदिराहरु पसलमा पाइन्छ । जसको उदेश्य आर्थिक स्थिति कमजोर भएकाहरुले पनि पिउन पाओस् भने बाहेक अरु देखिदैन् । यस्तो मदिरा सेवनले शरिरमा हानी गर्ने बाहेक केही गर्दैन् । तर सरोकारवाला निकायको यसमा निगरानी देखिदैन् । अवैध रुपमा भइरहेको मदिरा बिक्रिवितरणको पता लगाइ रोक लगाउन सरोकारवाला निकायलाई छिटोभन्दा छिटो प्रभावकारी कदम चाल्नुपर्छ ।
