क्रान्ति केन्द्र सम्वाददाता
सप्तरीमा २ सय ३३ एम्पुल लागुऔषधसहित एक युवकलाई प्रहरीले पक्राउ गरेको छ ।
जिल्लाको अग्निसाईर कृष्णसावरण गाउँपालिका-२ चौफल टोलका पृथ बहादुर राईको २२ बर्षीय छोरा सुनिल राईलाई आइतबार उक्त लागुऔषधसहित प्रहरीले नियन्त्रणमा लिएको हो ।
ईलाका प्रहरी कार्यालय महुलीबाट खटिएको गस्ती टोलिले बिशेष सुचनाको अधारमा घरमा गएर सुनिलसँग सोधपुछ गर्दा उनले आफ्नो घर अगाडि रहेको करेसाबारीमा लागुऔषध लुकाएर राखेको बताएका थिए । उक्त स्थानमा खोजतलास गर्दा कपडाको झोलामा ८० एम्पुल लिजेसिक, ७८ एम्पुल डाईजेपाम र ७५ एम्पुल फेनारगन गरी जम्मा २ सय ३३ एम्पुल प्रहरीले फेला पारेको जिल्ला प्रहरी कार्यालय सप्तरीका प्रवक्ता डिएसपी नरेश कुमार सिंहले बताए ।
सुनिललाई नियन्त्रणमा लिएर ईलाका प्रहरी कार्यालय कंचनपुरमा राखिएको तथा घटनावारे थप अनुसन्धान कार्य भइरहेको डिएसपी सिंहले जानकारी दिए ।
