क्रान्ति केन्द्र सम्वाददाता
सप्तरीमा मादक पदार्थ सेवन गरेर गालीगलौज गरेको कारण कुटपिट हुँदा एकजना घाइते भएका छन् । मंगलबार डाकनेश्चरी नगरपालिका-३ बस्ने ४५ बर्षीय छुतहरु रामले मादक पदार्थ सेवन गरेर सोही ठाउँका २४ बर्षीय मिलन रामलाई गालीगलोज गरेको विषयलाई लिएर वादविवाद र कुटपिट हुदाँ छुतहरु राम घाइते भएका छन् ।
मुख र टाउकोमा चोट रहेको छुतहरुको स्थानीय मेडिकल पसलमा उपचार भइरहेको प्रहरीले जनाएको छ ।
त्यस्तै, सोमबार सप्तरीको हनुमाननगर कंकालिनी नगरपालिका-६ बस्ने २७ बर्षीय सन्तोष कुमार रजकले सोही ठाउँका गंगा सुतिहारसंग घरमा काम गरे बापतको ज्याला मागेको विषयलाई लिएर कुटपिट हुँदा सन्तोष घाइते भएका छन् । टाउकोमा चोट लागेको उनको छिन्नमस्ता अस्पताल राजविराजमा उपचार भइरहेको प्रहरीले जनाएको छ । दुवै घटनाबारे थप अनुसन्धान भइरहेको प्रहरीले जनाएको छ ।
