क्रान्ति केन्द्र सम्वाददाता
सप्तरीको राजविराज नगरपालिकामा पार्किङ व्यवस्थापन एउटा ठुलो समस्याको रुपमा रहेको छ । गाडीहरुको पार्किङ सहिरुपले नहुँदा राजविराजको मुख्य सडकनै अस्तव्यस्त देखिरहेको हुन्छ । यसले गर्दा दुर्घटना हुने सम्भावना समेत हुन्छ । सप्तरी प्रहरीले पार्किङ व्यवस्थापनको लागि पहल गरिएको देखिएको छ ।
शनिबार राजविराजमा नेता चौकदेखि गजेन्द्र नारायण चौक सम्मको पार्किङ ब्यवस्थापन गर्ने सम्बन्धमा जिल्ला प्रहरी कार्यालय सप्तरीका एसपी नरेन्द्र कार्कीको उपस्थितिमा स्थानिय व्यावसायी, वडा अध्ययक्ष, सामुदायिक सेवा केन्द्र, नागरिक समाज तथा सञ्चारकर्मी विचमा छलफल भएको जिल्ला प्रहरी कार्यालय सप्तरीले जनाएको छ ।
उक्त छलफलबाट चैत १५ गतेवाट सडकको पुर्व तर्फ पार्किङ गर्ने निर्णय सर्वसम्मतिले भएको जनाइएको छ ।
