क्रान्ति केन्द्र सम्वाददाता
सप्तरीको तिलाठी कोइलाडी गाउँपालिकाले पालिका भित्रका सम्पूर्ण पोखरीहरुको लगत संकलन गर्ने भएको छ । गाउँपालिकाका बिहिबार सम्पन्न विशेष गाउँ सभाले सो निर्णय गरेको हो ।
गाउँपालिकाका अध्यक्ष अरुण कुमार मण्डलको अध्यक्षतामा आयोजित विशेष सभामा वडा अध्यक्षहरु दिनेश्वर मिश्र, कमलकुमार मण्डल, रमेश कुमार मुखिया, मुनिलाल मुखिया, ललनप्रसाद राउत र सत्यनारायण यादव, सदस्यहरु चन्दन कुमार झा, अमोद झा, रिता साह सहितकाले मन्तब्य ब्यक्त गरेका थिए ।
गाउँपालिकाका उपाध्यक्ष फुलकुमारी साहले स्वागत गरेको विशेष गाउँ सभामा प्रमुख प्रशासकीय अधिकृत सुरेन्द्र कुमार यादवले प्रस्तावहरु प्रस्तुत गरेका थिए । गाउँपालिकाका विपद् ब्यवस्थापन अधिकृत राजेश कुमार झाद्वारा सञ्चालित सो कार्यक्रममा योजना, बजेट लगायतको बिषयमा विभिन्न निर्णय भएको जनाइएको छ ।
