क्रान्ति केन्द्र सम्वाददाता
सप्तरीस्थित महेन्द्र विन्देश्वरी बहुमुखी क्याम्पस राजविराजमा स्ववियुको मतदान सम्पन्न भएको ४२ घण्टा भन्दा बढी समय बितिसक्दा पनि मतगणना सुरु हुनसकेको छैन् । नेविसंघ, अनेरास्ववियु, समाजवादी अनेरास्ववियु, जनमत विद्यार्थी संघले मतगणनामा सहमति नजनाउँदा मतगणना सुरु हुन नसकेको हो । सहमतिको लागि पटकपटक सर्वदलीय बैठक बसेपनि कुनै निर्णय हुनसकेको छैन् । केहीबेर अगाडि बसेको सर्वदलीय बैठक पनि निष्कर्षविहीन रहेको एकजना बिद्यार्थी नेताले बताए ।
मतदान सुरु भएको केहीबेरपछि देखि नै पटकपटक निर्वाचन स्थगित गर्ने माग गर्दै आएका उनीहरुले मतदान सम्पन्न हुने लगत्तै संयुक्त रुपमा प्रेस विज्ञप्ति नै जारी गरेर निर्वाचन खारेजको माग गर्दै आएका छन् । निर्वाचन अधिकृतले एकलौटी रुपमा समाजवादी विद्यार्थी युनियनलाई जिताउने प्रयास गरेको उनीहरुले आरोप लगाउँदै आएका छन् ।
क्याम्पसको मुल गेट अगाडि उक्त संगठनका विद्यार्थी नेता तथा समर्थकहरुले निर्वाचन खारेजीको माग गर्दै बिचबिचमा प्रदर्शन समेत गरिरहेका छन् । उता समाजवादी विद्यार्थी युनियन नेतृत्वको गठबन्धनले भने मतगणना शिघ्र सुरु हुनुपर्ने माग गर्दै आएका छन् ।
यता निर्वाचन समितिले सर्वदलीय सहमतिको पटकपटक प्रयास गरिरहेको छ ।
