क्रान्ति केन्द्र सम्वाददाता
सप्तरीको हनुमाननगर कंकालिनी नगरपालिका-१३ गोवरगाढा छतौनी एरियाबाट प्रहरीले १ सय ८४ केजी गाँजा बरामद गरेको छ । शनिबार राति घोडामा लादेर भारत तर्फ लैजाँदै गरेको अवस्थामा प्रहरी गस्ती टोलीले घोडा,गाँजा बरामद गरेको जिल्ला प्रहरी कार्यालय सप्तरीले जनाएको छ । प्रहरीलाई हेर्न साथ मानिस फरार भएको प्रहरीले जनाएको छ । घोडा र गाँजा कार्यालय तर्फ लगिने क्रममा केही अज्ञात समुह सो ठाँउमा आई गाँजा खोस्न खोज्दा भिडलाई नियन्त्रणमा लिन र बच्नका लागी प्रहरी टोलीले एक राउण्ड हवाई फायर गरेको प्रहरीले जनाएको छ । त्यसपछी अज्ञात समुह भागेको थियो । गाँजा तस्करहरुको खोजतलास र सोबारे थप अनुसन्धान कार्य भईरहेको प्रहरीले जनाएको छ ।
