क्रान्ति केन्द्र सम्वाददाता
तिलाठी कोइलाडी गाउँपालिका वडा नम्बर ५ बर्साइनका वडा अध्यक्ष ललन प्रसाद राउतले बाल विवाह गर्न लागेको थाहा पाएमा कानुनी कारबाही गरिने चेतावनी दिएका छन् ।
बालविवाह तथा महिला हिंसा अन्त्यका लागि सञ्चालन गरिने अभियान अन्तर्गत मंगलबार बालबालिकाको सहभागितामा सचेतनामूलक र्याली प्रदर्शन गर्देै वडा अध्यक्ष राउतले बाल विवाह गरे वडा कार्यालयले कानुनी कारबाहीको प्रक्रिया अगाडि बढाउने बताए ।
वडा समितिले माघ २५ गते बैठक बसी बालविवाह अन्त्यकालागि अभियान सञ्चालन गर्ने निर्णय गरेको वडा अध्यक्ष राउतले जानकारी दिए ।
बालविवाहका कारण बालबालिकाको भविष्य विग्रिदै गएको बताउँदै वडा अध्यक्ष राउतले बाल विवाह अन्त्य गरिनु प्रमुख आवश्यकता रहेको बताए ।
