क्रान्ति केन्द्र सम्वाददाता
धर्मी हल्फा महिला बिकाश क्लव सप्तरीद्वारा भूमिहिन डोम(मरीक) समुदायका परिवारलाई शुक्रबार सहयोग गरिएको छ ।
हिन्दूहरुको धर्म महाशिव रात्रि र नेपाल सेना दिवस अवसरमा राजबिराज नगरपालिका-९ मलेठका भुमिहीन तथा बिपन्न डोम समुदायका ९ परिवारलाई साडी लत्ताकपडा वितिरण गरेको हो ।
क्लवद्वारा रेखा मरिक, मुसनी मरिक, पुरनी मरिक, सोनिया मरिक, रिंकु मरिक लगायत ९ जना परिवारलाई १ थान साडी र बालबालिकाहरुको लागि लत्ता-कपडा सहयोग स्वरुप प्रदान गरेको समाजसेवी तथा क्लवका अध्यक्ष ई. सूर्यनारायण यादबले जानकारी दिए ।
समानहरु क्लवका अध्यक्ष ई. यादब, नेपाल निजामति कर्मचारी संगठनका केन्द्रीय कार्यसमितिका उपाध्यक्ष भवानी दाहाल, पूर्व राष्ट्र सेवक उध्द्व दाहालले संयुक्त रुपमा वितरण गरेका थिए ।
सो कार्यक्रममा स्थानीय, बुद्धिजीवी, समाजसेवी लगायतको उपस्थिति रहेको थियो ।
