श्रवण वत्स
नेकपा माओवादी केन्द्रका नेता कार्यकर्ताहरुले सप्तरीको छिन्नमस्ता गाउँपालिका–३ सखडामा सोमबार विभिन्न कार्यक्रम गरी २८ औं जनयुद्ध दिवस मनाएका छन् ।
माओवादी केन्द्रका छिन्नमस्ता गाउँपालिका अध्यक्ष तेज नारायण यादवको अध्यक्षता र पार्टीका केन्द्रीय सदस्य तथा पूर्वमन्त्री उमेश यादवको प्रमुख आतिथ्यमा कार्यक्रम गरिएको हो । प्रमख आतिथिको आशानबाट बोल्दै पूर्व मन्त्री यादवले देशमा जनयुद्धकै कारण संघियता हासिल भएको बताए । ‘माओवादी पार्टी नै देशमा संघियता ल्याउने पहिलो पार्टी हो । देशको पहिलो राष्ट्रपति र उपराष्ट्रपति मधेशी हुनु पनि जनयुद्ध कै उपलब्धि हो ।’ उनले भने ‘अहिलेको अवस्थामा भ्रष्टाचारीले देशलाई खोक्लो बनाईसके, त्यसबाट माओवादी पार्टीले मात्रै मुक्ति दिलाउन सक्छ । ‘न त भ्रष्टाचार गर्न दिन्छु, न त म गर्छु’ नाराको साथ माओवादी पार्टी अगाडी बढ्ने उनले बताए ।
सो अवसरमा छिन्नमस्ता गाउँपालिकाका कार्यालय अगाडीबाट निकालिएका परिक्रमा सखडा बजार हुँदै मन्दिरको परिक्रमा गरी पुनः गाउँपालिकाका सभाहलमा पुगी कार्यक्रम कोण सभामा परिणत भएको थियो । कार्यक्रममा जनयुद्ध २८ औं सफल पारौं, माओवादी केन्द्र पार्टी जिन्दावाद, कमरेड प्रचण्ड जिन्दावाद, जनयुद्धका सहिदहरु अमर रहुन् लगायतका नाराहरु समेत गुञ्जिएको थियो ।
कार्यक्रममा अभियानका संयोजक विनोद यादव, रामेश्वर यादव, रामदेव मुखिया, रोजित मियाँ, भुपेन्द्र यादव लगायतकाले मन्तव्य व्यक्त गरेका थिए । कार्यक्रम सञ्चालन शंकर पण्डितले गरेका थिए ।
