श्रवण वत्स
एसके स्पोर्ट सप्तरीलाई सेमी फाईनलमा हराउँदै बजाज यूथ एकेड्मी राजविराज फाईनलमा प्रवेश गरेका छन् । मंगलबार राजविराजको क्याम्पस मैदानमा भएको मिथिला कप चौथौ संस्करणको पहिलो सेमी फाईनल खेलमा बजाज यूथ एकेड्मी सप्तरीले एसके स्पोर्ट सप्तरीलाई ३४ रनले हराउँदै फाईनलमा प्रवेश गरेको हो ।
बजाज यूथ एकेड्मी सप्तरीले टस जितेर पहिला व्याटिङ्ग गर्दै निर्धारित २० ओभरमा ७ विकेटको क्षतिमा १५९ रनको स्कोर तयार पारेको थियो ।
जसमा यूथका बसिर अहमेदले शानदार अर्ध सतकीय पारी खेलेका थिए । उनले ३६ बलको सामना गर्दै ७ चौका मदतले आफ्ना अर्ध सतक पुरा गरेका थिए । त्यस्तै, बिशाल यादव र शिद्धान्त लोहनीले समेत २४/२४ रनको योगदान आफ्ना टिमका लागि दिएका थिए ।
१६० रनको लक्ष्य लिएर मैदानमा ओर्लेका एसके स्पोर्ट सप्तरीले २० ओभरमा मात्र १२५ रन जोड्न सफल भए । स्पोर्ट सप्तरीको तर्फबाट ब्याटिङ्गमा अमर सिंह रौटेल र रशिद खान बाहेक कुनै पनि ब्याट्सम्यानले टिमलाई साथ दिन सकेन । रौटेल ३५ बलको सामना गर्दै ६ चौका मदतले ४७ रनको योगदान टिमको लागि दिएका थिए भन्ने खानले २० बलको सामना गर्दै ४ चौका र ३ छक्का मदतले ४३ रनको योगदान टिमका लागि दिए ।
एसके स्पोर्ट सप्तरीलाई सस्तोमा समेटन यूथ एकेड्मी सप्तरी टिमका मोहम्मद हुसैनले खतरनाक बोलिङ्ग गरेका थिए । उनले आफ्ना ४ ओभरमा मात्र ११ रन खर्चिदै महत्वपूर्ण ३ विकेट लिएका थिए भने बसिर अहमेदले २ र मिकु मण्डलले १ विकेट लिएका थिए ।
त्यस्तै, एसके स्पोर्ट सप्तरीको बोलिङ्ग तर्फ रशिद खान, अमर सिंह रौटेल, सुमित महर्जनले २/२ विकेट लिएका थिए भने सुनिल धमलाले १ विकेट हात पारेका थिए ।
मिथिला कप चौथौ संस्करणको अन्तिम क्वाटर फाईनल खेलमा सिरहा क्रिकेट क्लव सिरहालाई ५ विकेटले हराउँदै मकवानपुर क्रिकेट टिम मकवानपुर सेमी फाईनलमा प्रवेश गरेका छन् ।
सिरहा टिमले टस जितेर पहिला ब्याटिङ्ग गर्दैै निर्धारित २० ओभरमा ४ विकेटको क्षतिमा १३२ रनको लक्ष्य तैयार पारेको थियो । मकवानपुर टिमका ब्याट्सम्यान शुभ कंस्कारको बल्ला चम्किदा सो लक्ष्य आफ्ना ५ विकेटको क्षतिमा १०ओभर ४ बलमा पुरा गरे ।
कंस्कारले ३१ बलको सामना गर्दैै ६ चौका र ६ छक्का मदतले अभिजित ७५ रनको योगदान टिमका लागि दिए । त्यस्तै, सिरहा टिमको ब्याटिङ्ग तर्फ रुपेश सिंहले २३ बलको सामना गर्दै २ चौका र ७ छक्का मदतले अभिजीत ६० रनको योगदान आफ्ना टिमका लागि दिए भने शालेन्द्र साह २७ र राकेश कामैतले २५ रनको योगदान दिएका थिए ।
क्वाटर फाईनल खेलका म्यान अफ द म्याच मकवानपुर टिमका शुभ कंस्कार घोषित भएका थिए भने सेमी फाईनल खेलका म्यान अफ द म्याच बजाज यूथ एकेड्मी सप्तरीका बसिर अहमेद घोषित भएको थियो ।
भोलिको खेल कलैया क्रिकेट क्लव बारा विरुद्ध मकवानपुर क्रिकेट टिम मकवानपुर विच हुने आयोजकले बताए ।
