क्रान्ति केन्द्र सम्वाददाता
अल इक्वल क्रिकेट एकेड्मी (एइसिए) रौतहटलाई हराउँदै एसके स्पोर्ट सप्तरी सेमी फाईनलमा प्रवेश गरेका छन । मिथिला कप नकअट टी–२० चौथो संस्करणको ११ औं खेलमा सोमबार रौतहटलाई ४७ रनले हराउँदै एसके सप्तरी सेमी फाईनलमा प्रवेश गरेको हो ।
राजविराजको खेल मैदानमा भएको तेश्रो क्वाटर फाईनल खेलमा एसके स्पोर्ट सप्तरीले टस जीतेर पहिले ब्याटिङ गर्दै निर्धारित २० ओभरमा ९ विकेट गुमाउँदै १३९ रन बनाए ।
उक्त लक्ष्य प्राप्त गर्न मैदानमा ओर्लेका एइसिए रौतहटले सम्पूर्ण विकेट गुमाउँदै मात्र ९२ रन जोड्न सफल भए । रौतहट टिमका ७ वटा ब्याट्सम्यानले दोहरो अंकको व्यक्तिगत स्कोर समेत बनाउन सकेन ।
रौतहट टिमबाट सर्वाधिक शोबेन्द्र पासवानले ३३ बलको सामना गर्दै ५ चौका मदतले ३० रन बनाएका थिए । त्यस्तै, नितेस यादवले २० र निश्चल बिक्रमले १३ रनको योगदान दिएका थिए ।
एसके स्पोर्ट सप्तरी तर्फबाट सुनिल धमला र अमर सिंह रौटेलको विस्फोटक व्याटिङ्ले दर्शकहरु रमाएका थिए । धमलाले ४१ बलको सामना गर्दै ५ चौकाको मदतले ४२ र रौटेल ३० बलको सामना गर्दै १ चौका र ४ छक्काको मदतले ४४ रनको योगदान गरेका थिए भने सञ्जय यादवले २० र रशिद खानले १२ रनको योगदान गरेका थिए ।
सप्तरीको बोलिङ्ग तर्फ सुनिल धमलाले आफ्ना स्पेलको ३ओभर २ बलमा मात्र ६ रन खर्च गर्दै महत्वपूर्ण ३ विकेट लिएका थिए । त्यस्तै, रशिद खान, अमर सिंह रौटेलले २/२ र सुनिल मर्हजनलाई १ विकेट प्राप्त गरेका थिए ।
रौतहटको बोलिङ्ग तर्फ विपिन सहानी, रोहित क्षेत्रीलाई २/२ र नितेस यादव, धर्मेन्द्र साहले १/१ विकेट हात पारे । खेलको ‘म्यान आफ द म्याच’ एसके स्पोर्ट सप्तरीका अमर सिंह रौटेललाई दिएका थिए ।
भोलिको अन्तिम क्वाटरफाईनल खेल विहानको ९ बजे देखी सिरहा विरुद्ध मकवानपुर र पहिलो सेमी फाईनल खेल दिउँसो एसके स्पोर्ट सप्तरी र बजाज यूथ एकेड्मी सप्तरी बिच हुने मिथिला कप आयोजकले बताए ।
