क्रान्तिकेन्द्र सम्वाददाता
मधेश प्रदेशसभामा स्वतन्त्र निर्वाचित भएका दुई प्रदेशसभा सदस्य सुरिता साह र प्रमोद कुमार जैसवाल आईतबार जनता समाजवादी पार्टीमा प्रवेश गरेका छन् । महोत्तरी–२ (२) बाट निर्वाचित प्रदेशसभा सदस्य साह र पर्सा–३ (१) बाट निर्वाचित जैसवाल जसपा प्रवेश गरेका हुन् । उनीहरुलाई पार्टी कार्यालयमा अध्यक्ष उपेन्द्र यादवले पार्टी प्रवेश गराएका हुन् । यसैसाथ मधेश प्रदेशसभामा जसपाको संसाद १८ जना पुगेको छ ।
