क्रान्ति केन्द्र सम्वाददाता
सप्तरीको विष्णुपुर गाउँपालिकाले विपन्न र दलित परिवारहरुलाई फाइबरको सिरक वितरण गरेका छन् । शनिबार एक कार्यक्रम बीच गाउँपाकिालका अध्यक्ष उमेश प्रसाद यादवले सोही गाउँपालिकाका वडा नम्बर ४ र ७ को २ सय ५६ विपन्न र दलित परिवारहरुलाई फाइबरको सिरक वितरण गरेको हो । गाउँपालिकाका १ देखी ७ सम्म सबै वडाहरुका हजार विपन्न र दलित परिवारहरुलाई जाडोबाट जोगिनको लागि फाइबरको सिरक वितरण गर्ने कार्यक्रम रहेको गाउँपालिका अध्यक्ष यादवले बताए । आइतबार अर्को वडाहरुका विपन्न र दलितहरुलाई सिरक वितरण गर्ने कार्यक्रम रहेको उनले बताए ।
सो कार्यक्रममा गाउँपालिकाका प्रशासकीय अधिकृत रमेश प्रसाद यादव, सुभाष मण्डल, वडा नम्बर ७का वडा अध्यक्ष लोचन साह, वडा नम्बर ५का वडा अध्यक्ष जिवछ मण्डल, वडा नम्बर ४ का वडा अध्यक्ष श्रीचन साह तथा स्थानीयहरुको उपस्थिति रहेको थियो ।
