क्रान्ति केन्द्र सम्वाददाता
सप्तरीको तिलाठीकोइलाडी-०२ लौनियामा संचालित टि-२० क्रिकेट प्रतियोगिता-२०७९को तेस्रो लिग खेलमा तिलाठीले शानदार जित हात पारेको छ । शनिबार तिलाठी क्रिकेट टिम र मंसापुर क्रिकेट टिम बिच भएको प्रतियोगितामा मंसापुर टस जितेर पहिले ब्याटिङ गरेको थियो । निर्धारित २० ओभरको खेलमा मंसापुरले १६ ओभर ४ बलमै सम्पुर्ण बिकेट गुमाउँदै १०४ रन बनाउन सकेका थिए । जवाफमा ब्याटिङ गर्न उत्रेका तिलाठीले १२ ओभर ५ बलमा २ बिकेट गुमाउँदै लक्ष्य प्राप्त गरेका थिए । मंसापुरको तर्फबाट दिपेशले सर्वाधिक ३० रन बनाएका थिए भन्ने तिलाठी टिमका बरिष्ठ खेलाडी चन्दन झाले महत्वपूर्ण ३, कारी र बिष्णुले २/२ तथा सुनिल र शिवले एक/एक विकेट हात पारेको आयोजकले जानकारी दिए । तिलाठीको तर्फबाट ओपनिङ ब्याटिङ गर्न गएका बिष्णु सर्वाधिक ७२ रन बनाएर ‘म्यान अफ दि म्याच’को उपाधी पाएका थिए ।
