क्रान्ति केन्द्र सम्वाददाता
सप्तरीमा बसको ठक्करले एकजना साइकल यात्रुको मृत्यु भएको छ । जिल्लाको हनुमाननगर कंकालिनी नगरपालिका- ३ पोर्ताहास्थित पुर्व पश्चिम राजमार्गमा बुधबार दिउँसो बसले ठक्कर दिँदा साइकल यात्रु स्थानीय ६० बर्षीय राजेन्द्र विश्वासको मृत्यू भएको प्रहरीले जनाएको छ । पूर्वबाट पश्चिम तर्फ गइरहेको ना ५ ख ६७२ नम्बरको बसले ठक्कर दिँदा उनको घटनास्थलमै मृत्यु भएको हो । गाडी र चालक ईलाका प्रहरी कार्यालय कञ्चनपुरको नियन्त्रणमा रहेको जिल्ला प्रहरी कार्यालय सप्तरीका प्रवक्ता प्रहरी नायव उपरीक्षक नरेश कुमार सिंहले बताए ।
