क्रान्ति केन्द्र सम्वाददाता
सप्तरी जिल्लाको महादेवा गाउँपालिका- ३ बथनाहाका जयवेन्द्र यादवले व्यक्तिगत तर्फबाट बिपन्नलाई कम्बल वितरण गरेका छन् । १ नम्बर प्रदेशका प्रदेश जनस्वास्थ्य प्रयोगशालाको निर्देशक पदबाट सेवानिवृत्त रहेका यादवले सोमबार महादेवा गाउँपालिका-४ मनियारी प्रसाहीमा ५० जना अति विपन्न,असहायलाई जाडो छल्न कम्बल प्रदान गरेको हो । यादवले बुबा यदुलाल यादव र आमा महेश्वरी देवी यादवको आत्माको शान्तिका लागि उनको सम्झनामा कम्बल वितरण गरेको बताएका छन् ।
‘सेवानिवृत भएपछि पैत्रिक गाउँका विपन्नलाई सहयोग गर्ने अवसरले हर्षित भएको छुँ,’ उनले भने ‘शितलहरले तराई मधेसमा कहर मचाएको बेला समाजिक सञ्जालमा आफ्नै गाउँका गरिब,विपन्नले न्यानो कपडाको अभावमा कष्टकर जनजीवन बिताइरहेको भिडियो सार्वजनिक भएको थियो, उक्त भिडियोमा देखिएको पिडाले तिनीहरुलाई आफ्नो आयआर्जनबाट केही दान गर्ने प्रेरणाले कम्बल वितरण गरेको हुँ।’
काठमाडौंमा बसोबास गरिरहेका यादवले अगामी दिनमा समेत उक्त समुदायका लागि सहयोग गरिने प्रतिबद्धता जनाएको छ।
कम्बल वितरणको बेला स्थानीय दिनेश यादव,चेत नारायण यादव,हरि नारायण यादव, सेवानिवृत निर्देशक यादवका दाजु उपेन्द्र यादव तथा भाउजु सिता देवी,भतिज राजकिशोर यादव र पत्रकार पिन्टु यादवको उपस्थिति रहेको थियो ।
