क्रान्ति केन्द्र सम्वाददाता
नेपाल पत्रकार महासंघ शाखा सप्तरीको आयोजना मंगलबार २९ औं लोकेन्द्र स्मृति दिवस मनाइएको छ । सप्तरीलाई कार्यक्षेत्र बनाएर पत्रकारिता गर्दै आएका लोकेन्द्र बुढाथोकीको स्मृतिमा प्रत्येक वर्ष पुस २६ गते मनाइने गरिएको लोकेन्द्र स्मृति दिवस यस वर्ष पनि मंगलबार पुस २६ गते मनाइएको छ । सो अवसरमा सप्तरीमा पत्रकारिता गर्दै आएका एकजना पत्रकारलाई पुरस्कार समेतको प्रदान गर्ने गरिन्छ । यस बर्ष लोकेन्द्र स्मृति पत्रकारिता पुरस्कार पत्रकार बिन्दू कुमार यादवलाई प्रदान गरिएको छ ।
महासंघले पुस १८ देखि २३ गते सम्म पुरस्कारको लागि आवेदन दिने समय तोकेको थियो । त्यसमा आएको आवेदनको छोटो सुची तयार गरि ४ जना मध्ये उत्कृष्ट यादवलाई पुरस्कृत गरिएको पुरस्कार छनौट समितिका संयोजक बिष्णु मंडलले बताए ।
सल्यान जिल्लाको कटमैला गाविस घर भएको लोकेन्द्र बुढाथोकी सप्तरीलाई कार्यक्षेत्र बनाएर पत्रकारिता गर्दै आएका थिए । २०५० पौष २६ गते उनको रहस्यमय हत्या गरिएको कार्यक्रममा बोल्दै बुढाथोकीका सहकर्मी पत्रकार महासंघ सप्तरीका सल्लाहकार मनोहर पोखरेलले बताए । हत्या भएको बेला बुढाथोकी २६ बर्षको थिए ।
सोही अवसरमा पत्रकार उमा सिंहको चौधौँ स्मृति दिवसमा १३औं वातावरणीय पत्रकारिता पुरस्कार समेत प्रदान गरिएको थियो । आजको वातावरण पत्रिकाको संस्थापक बैद्यनाथ झाले स्थापना गरेको उक्त पुरस्कारबाट पत्रकार उमेश कुमार साह पुरस्कृत भएका छन् ।
पत्रकार महासंघ शाखा सप्तरीका अध्यक्ष श्रवण देवको अध्यक्षता भएको उक्त कार्यक्रममा प्रमुख अतिथि प्रेस काउन्सिल नेपालका अध्यक्ष बालकृष्ण बस्नेत अतिथिहरुमा पत्रकार महासंघका सचिव गोविन्द चौलागाई , महासंघ निवर्तमान केन्द्रीय सदस्य अवधेश झा, प्रेस स्वतन्त्रता सेनानी बैद्यनाथ झा, महासंघ सप्तरीका पुर्व अध्यक्ष बिष्णु कुमार मंडल, जितेन्द्र खडका , मनोहर पोखरेल लगायतका सप्तरीमा पत्रकारितारत व्यक्तिहरुको उपस्थिति रहेको थियो । कार्यक्रम संचालन शाखाका सचिव राम नारायण विश्वासले गरेका थिए भने स्वागत मन्तव्य शाखाका उपाध्यक्ष बैद्यनाथ यादवले दिएका थिए ।
