क्रान्ति केन्द्र सम्वाददाता
सप्तरीको तिलाठी कोइलाडी- ०१ स्थित रहेको ऊँ श्रृजन कृषि सहकारी संस्था लिमिटेड तिलाठीले दोस्रो वार्षिक साधारण सभा सम्पन्न गरेको छ । शनिबार तिलाठीको पाठशाला प्राङ्गणमा रहेको हलमा संस्थाले गत आर्थिक वर्षको आयव्याय सार्वजनिक गरेका छन् । संस्थाले २०७८/०४/०१ गते देखि २०७९/०३/३२ सम्म कुल ३८ लाख २५ हजार ५१ रुपैयाँ ८९ पैसाको आयव्यय भएको विवरण सार्वजनिक गरेको छ । आर्थिक वर्ष ०७८/७९ सम्ममा संस्थाको शेयर पुँजी २४ लाख भन्दा बढी रहेको सार्वजनिक प्रतिवेदनमा उल्लेख छ ।०७७/७८ आर्थिक वर्षमा संस्थाको शेयर पुँजी १ लाख भन्दा पनि कम रहेको थियो । संस्थाले २६ लाख भन्दा बढी ऋण लगानी गरेको जनाएको छ ।
संस्थाका अध्यक्ष सम्बोध झाको अध्यक्षतामा भएको उक्त कार्यक्रममा प्रमुख अतिथि सप्तरी -२ बाट नवनिर्वाचित मधेश प्रदेश सभा सदस्य महेश प्रसाद यादव, विशिष्ट अतिथि मधेश प्रदेश सभा सदस्य सतिश कुमार सिंह रहेका थिए । कार्यक्रममा संस्थाका उपाध्यक्ष मुकेश यादव, सचिव बबलु मिश्र, रोशन झा, संस्थाका सदस्य, स्थानीय राजनीतिकर्मी, बरिष्ठ पत्रकार मनोज माझी, परिष कर्ण तथा स्थानीय बुद्धिजीवीहरु लगायतका व्यक्तिहरुको उपस्थिति रहेको थियो । कार्यक्रमका उद्घोषण बरिष्ठ पत्रकार पंकज झाले गरेका थिए ।
