क्रान्ति केन्द्र सम्वाददाता
सप्तरीको रुपनी गाउँपालिका वडा नम्बर २मा वडा स्तरीय बार्षिक छात्रवृत्ति योजना कार्यक्रम सम्पन्न भएको छ । सोमबार दलान युवा क्लब सप्तरीको आयोजना तथा रुपनी गाउँपालिका वडा नम्बर २को सहयोगमा कार्यक्रम सम्पन्न भएको हो ।
कार्यक्रममा वडाका सामुदायिक विद्यालयबाट बालविकास देखी ८ सम्मका हरेक कक्षाबाट १ /१ जना उत्कृष्ट विद्यार्थीलाई विद्यालयको भर्ना खर्च, वर्षभरिको स्टेशनरी खर्च, दुईजोड़ा ड्रेस, जुत्तामोजा वडाको तर्फबाट प्रदान गरिएको छ । उनीहरूलाई ८० प्रतिशत हाजिरी पुगेको अवस्थामा सहभागी गराई बौद्धिक र शारीरिक प्रतियोगिता जस्ता अतिरिक्त क्रियाकलापद्वारा उत्कृष्ट घोषणा गरिएको हो । कार्यक्रममा श्री बुधेश्वरीआधारभुत विद्यालय हरिरावा, श्री आदर्श सरस्वती प्राथमिक विद्यालय लौवापर, श्री जेसीज आधारभुत विद्यालय पौंवाका विद्यार्थी सहभागी रहेका थिए ।
यसरी उत्कृष्ट हुनेमा श्री बुधेश्वरी आधारभुत विद्यालय हरिरावाबाट बालविकासका सावाना खातून, कक्षा १का सुरेश कुमार मण्डल, कक्षा ३का झलनाथ यादव, कक्षा ४की सृजना कुमारी साह ,कक्षा ५ का सोनू यादव, कक्षा ६का प्रशान्त कुमार ईशर,कक्षा ८की सिद्दि कुमारी ठाकुर रहेका छन् ।
जेसीज आधारभुत विद्यालय पौंवबाौ कक्षा २की प्रियंका कुमारी खंग र कक्षा ७ की किरण कुमारी दास भएकी छिन् । वडाअध्यक्षद्वारा सम्पूर्ण ८० प्रतिशत भन्दा बढ़ी हाजिरी भएका विद्यार्थिहरुलाई टोपी, कपि, पेन लगायत स्टेशनरी वितरण गरिएको थियो । वडाअध्यक्षले यो कार्यक्रम प्रत्येक वर्ष गर्ने प्रतिवद्दता र विजेताको नामसहितको फोटो ब्यानर बनाई स्कुलको गेटमा राख्ने भनेको थियो । सोही अवसरमा आयोजक क्लबका अध्यक्ष त्रिवेणी कुमार यादवले अतिथिहरुलाई मायाको चिनो तथा शिक्षकहरुलाई सम्मान पत्र प्रदान गरेको थियो ।
कार्यक्रममा प्रमुख अतिथि सप्तरी प्रतिनिधिसभा क्षेत्र नम्बर ३ निर्वाचित सदस्य दिनेश कुमार यादव, विशिष्ट अतिथि जिल्ला समन्वय समिति सप्तरीका उप-प्रमुख श्री शम्भू कुमार यादव, रूपनी गाउँपालिका अध्यक्ष श्री दिनेश कुमार यादव,रूपनी गाउँपालिका वडा नम्बर २ वडा अध्यक्ष श्री सरोज कुमार यादव अतिथिहरू प्रधानअध्यापकहरू मिठू माझी, राजकुमार सुनरैत, सत्यशरण ईशर, विद्यानन्द चौधरी र परशुराम यादव तथा वडासदस्य तेजनारायण चौधरी, महानन्द प्रसाद यादव, शिव नारायण यादव, गजेन्द्र प्रसाद चौधरी, सिकन्दर मण्डल, पुण्या कुमारी मण्डल, सरिता देवी मण्डल लगायतको उपस्थिति रहेको थियो । कार्यक्रम संचालन आयोजक संस्थाकी कोषाध्यक्ष कंचन कुमारी यादवले गरेकी थिइन् ।
