क्रान्ति केन्द्र सम्वाददाता
सप्तरीको तिलाठी कोईलाडी गाउँपालिका–५ को बरसईनमा आगलागी भएको छ ।
आज बेलुका स्थानीय मंजुर रजकको गोठबाट सल्केको आगोबाट दुई वटा घर जलेर नष्ट भएको छ । गोठ घरभित्र रहेको ६ वटा बाख्रा र लत्ता कपडा, खाद्यान्न र २ वटा परालको टाल समेत जलेर नष्ट भएको वडा अध्यक्ष ललन राउतले जानकरी दिए ।
राजविराज नगरपालिकाकोे बरुण यन्त्र र हनुमाननगर कंकालनी नगरपालिकाको बरुण, स्थानीय र प्रहरीको सहयोगमा आधि घण्टापछि आगो नियन्त्रणमा आएको वडा अध्यक्ष राउतले बताए ।
