क्रान्तिकेन्द्र सम्वाददाता
जनमत पार्टीले स्थानीय तहको निर्वाचनमा जनमत पार्टीबाट निर्वाचित जनप्रतिनिधिहरूसँग ६ महिनाको कार्यप्रगति विवरण मागेको छ ।
सोमबार पार्टीका राष्ट्रिय अध्यक्ष डा.चन्द्रकान्त (सीके) राउतले पत्र लेख्दै जनमत पार्टीबाट अध्यक्ष, उपाध्यक्ष, प्रमुख, उपप्रमुख, वडा अध्यक्ष र वडासदस्यहरुमा निर्वाचित स्थानीय जन प्रतिनिधिहरुसँग ६ महिनाको कार्यकाल पूरा गर्दा आफूले गरेको कार्य सम्पादनको प्रतिवेदन ७ दिनभित्र केन्द्रीय सचिवालयलाई पठाउन निर्देशन दिएका छन् ।
’जनमत पार्टीको अवधारणा लागू गर्न के–कस्ता कार्यक्रमहरू सञ्चालनमा ल्यानुभयो, जनसरोकारका विषयहरूलाई सम्बोधन गर्न के–कस्तो पहल गर्नुभयो, जनमत पार्टीको स्थानीय समिति र कार्यकर्ताहरूसँग समन्वय कस्तो रह्यो आदि विवरण प्रतिवेदनमा समावेश गर्नुहुन अनुरोध छ’, पत्रमा उल्लेख छ ।
